Tiu Ángelo Arribas, nacido i criado an Freixenosa, home de muitos oufícios, cumo el siempre diç, stubo cun nós a la cumbersa, ua grande cumbersa, an nobembre de dous mil i binte i un. L sítio, que el scolhiu, nun podie ser outro: las arribas de Freixenosa, l termo adonde se fizo gente, adonde daprendiu a ser l músico de referéncia que ye hoije, adonde sonhou i adonde bibiu muitas de las sues abinturas. La que el mos deixa eiqui parece salida dun dezeinho animado.
